Gwamna Abba Kabir Yusuf ya mika fam din takararsa a hukumance ga Kwamitin Aiki na Kasa na APC a Abuja a matsayin dan takara guda daya na Jihar Kano a zaben gwamna na shekarar 2027.
Hakan na cikin wata sanarwa da Mai Magana da yawun Gwamnan, Sunusi Bature Dawakin Tofa, ya fitar a ranar Alhamis.
Gwamnan ya samu rakiyar daga Sanata Ibrahim Shekarau, Mataimakin Shugaban Majalisar Dattawa Barau Jibrin, Sanata Kawu Sumaila, ‘yan majalisar wakilai, da sauran manyan mutane daga Jihar Kano.
Da yake zantawa da manema labarai a Treasure Suits jim kadan bayan mika fam din, Gwamna Yusuf ya bayyana ayyana takar wa’adi na biyu a matsayin sabon kira ga aiki da sabunta alkawari ga al’ummar Jihar Kano.
Ya ce gwamnatinsa za ta fadada ayyukan sabunta birane a fadin jihar, yayin da gina hanyoyi, fadada magudanar ruwa, da zamantanta kasuwanni za su samu kulawa ta musamman.
Gwamna Yusuf ya ce ci gaban karkara zai ci gaba da zama babban fifiko. Ya yi alkawarin kara zuba jari a hanyoyin hadin kauyuka, samar da ruwa, cibiyoyin lafiya, da makarantu a ƙauyuka.
Gwamnan ya kuma yi alkawarin kara tallafi ga noma da shirye-shiryen karfafa manoma da matasa, yana mai cewa samar da ayyukan yi da ci gaban matasa za su ci gaba da kasancewa a kan gaba a tsare-tsaren gwamnatinsa.
Gwamna Yusuf ya sake tabbatar da jajircewarsa na inganta ilimi da lafiya a fadin Jihar Kano. Ya mai jaddada cewa hadin kai, zaman lafiya, da shugabanci da zai yi aiki da kowa sune ginshikan gwamnatinsa.
Gwamnan ya ce zai ci gaba da aiki tare da dukkan masu ruwa da tsaki domin ci gaban Jihar Kano. Ya kuma sake tabbatar daidaituwarsa da manufofin Renewed Hope domin jawo karin ayyukan gwamnatin tarayya da damammaki zuwa Kano.
Gwamna Yusuf ya gode wa al’ummar Kano kan ci gaba da goyon baya da amincewa da shugabancinsa. Ya tabbatar musu da karin jajircewa wurin gudanar da mulki cikin gaskiya, da ci gaban da zai sa kula da bukatar jama’a a kan gaba.
