Majalisar dokokin jihar Ribas za ta sake tantance tare da tabbatar da tsaffin kwamishinonin jihar guda 9 da suka aje aiki daga majalisar zartarwa ta jihar ranar Laraba.
Hakan na kunshe ne cikin wata sanarwa mai dauke da sa hannun magatakardar majalisar, Mista Emeka Amadi ya fitar ranar Litinin a Fatakwal.
Karanta wannan: Kano: Garin kwacen waya mota ta buge matashi ya mutu
Magatakardar ya ce kwamishinonin sun hada da babban lauya kuma kwamishinan shari’a Farfesa Zacchaeus Adangor na SAN, da kwamishinan ayyuka Dr Des George-Kelly, da kwamishinan ayyuka na musamman Emeka Woke, da kwamishinan walwala da walwala Mrs Inime Aguma.
Kazalika akwai Kwamishinan kudi Isaac Kamalu, sauran sun hada da Kwamishinan Ilimi Farfesa Chinedu Mmom, da Kwamishinan Gidaje Dakta Gift Worlu, da kuma Kwamishinan Sufuri Dakta Jacobson Nbina, tare da Kwamishinan Muhalli Austin Ben-Chioma da suka yi murabus.
Karanta wannan: Hauhawar farashin kayayyaki a Najeriya ya kai kashi 28.9
Ya ce ana sa ran za su fitar da nau’i 40 na CV, da kuma ainihin kwafin takardun shaidarsu ga Majalisar Dokoki ta Jihar a wajen tantancewa na Legislative Quarters.
Kamfanin dillancin labarai NAN, ya ruwaito cewa a ranar 16 ga watan Disambar shekarar da ta gabata an tafka kura-kurai a majalisar zartarwa ta jihar, biyo bayan rikicin siyasar da ya barke tsakanin gwamnan jihar, Fubara da tsohon minista Nyesom Wike.
Karanta wannan: JAMB ta amince da yin rijista kyauta ga masu bukata ta musamman
Idan dai ba’a manta ba a wancan lokacin Adangor, da George-Kelly, da Woke, da Aguma, da Kamalu, tare da Mmom da Ben-Chioma, sun yi murabus dinne nan ta ke.
NAN ya kuma ruwaito cewa mayar da tsoffin kwamishinonin da suka yi murabus daga mukaman na su ya kasance wani bangare na bukatun yarjejeniyar zaman lafiya da shugaban kasa Bola Ahmad Tinubu ya kulla da Gwamna Fubara.
