A safiyar yau alhamis aka gudanar da jana’izar jarumin wasan Hausa Sani SK a unguwar ‘yar Mai Maishinkafi dake cikin birnin Kano.
A yammacin jiya laraba ne Sani Garba SK ya rasu bayan ya sha fama da rashin lafiya.
Rahotanni sun bayyana cewa Marigayin ya rasu ne a Asibitin Muhammadu Abdullahi Wase da ke unguwar Nasarawa a cikin birnin Kano.
A baya dai an sha yada jita-jitar rasuwar Sani SK, inda ya dinga musantawa da kansa.
