Rundunar ’Yan Sanda ta Jihar Kano ta gargaɗi mazauna jihar kan yiwuwar hari daga masu ta’addanci a wuraren taruwar jama’a.
Kakakin rundunar, SP Abdullahi Haruna Kiyawa, ya shawarci mutane su kauce wa cinkoson jama’a kuma su kasance masu lura yayin da jami’an tsaro ke aiki don hana harin.
Rundunar ta umurci al’umma su kai rahoton duk wani abu da ke haifar da zargi ta lambar gaggawa: 08032419754, 08123821575, ko 09029292926.
Rundunar ta kuma tabbatar da jajircewarta wajen kare rayuka da dukiyoyi tare da kira ga mutane su bi dokokin tsaro.
