Babban lauyan gwamnatin tarayya ya caccaki Majalisar dokokin jihar Edo kan dakatarwar da aka yi wa shugabannin kananan hukumomi

Babban Lauyan Tarayya kuma Ministan Shari’a, Prince Lateef Fagbemi, SAN, ya bayyana dakatarwar da aka yi wa Shugabanni da mataimakan shugabannin kananan hukumomin 18 a Jihar Edo a matsayin haramtacce kuma ba bisa ka’ida ba.

AGF wanda ya zanta da manema labarai a Abuja ranar Alhamis ya jaddada cewa tsige su daga mukaminsa ko kuma dakatar da duk wani zababben jami’in LG a kasar nan ba hakkin ‘yan majalisa ne ba.