Rundunar ƴan sandan jihar Jigawa, ta tabbatar da mutuwar mutane 6 tare da jikkatar ƙarin wasu mutum 3 a wani hatsarin mota.
Rundunar ta bayyana haka n ne ta cikin wata sanarwa da ta fitar mai ɗauke da sa hannun kakakin ta.
Sanarwar ga sanarwar kamar haka :-
A ranar 26/06/2022 da misalin karfe 2320 na safe, bayanai da muka samu sun nuna cewa, an samu mummunan hatsarin mota a hanyar Hadejia zuwa Kano.
Hadarin ya shafi wata mota kirar Lexus bakar launi mai lamba AAA 153 EA, wani Habib Habib Tall mai shekaru 30 da haihuwa ɗan karamar hukumar Yalleman ƙaramar hukumar Kaugama, ya dakko mutane takwas masu rakiyar amarya daga garin Hadejia zuwa Yalleman.
Suna isa Gidan sugar, a hanyarsu ta komawa Hadejia, yana cikin gudu tayar gaba da ta baya suka cire, don haka direban ya rasa yadda zai yi, motar wadda ta ƙwace masa.
Bayan samun wannan rahoton sai tawagar ‘yan sanda suka garzaya wurin da lamarin ya faru, inda aka kwashe wadanda abin ya shafa, aka garzaya da su Babban Asibitin Hadejia domin yi musu magani.
Likitoci sun tabbatar da mutuwar mutane shida tare da tabbatar da mutuwarsu yayin da suke karbar magani, waɗanda suka hada da;
1 Baba Rabi’a Aliyu mai shekaru 50
2 Ummi Abubakar mai shekaru shekara 30
3 Aisha Soja mai shekara 27
4 Radiya Turaki ƴar shekaru 3
5 Kabir Sani mai shekara 2 da rabi
6 Habib Habib Tall mai shekaru 30
Inda saura mutane ukun ke karbar magani.
An bada gawawaki ga ’yan uwa domin shirya jana’izarsu.
Kwamishinan ’Yan sandan Jihar Jigawa, CP Aliyu Sale Tafida, psc a lokacin da yake jajantawa iyalan mamatan, ya yi addu’ar Allah ya jikan wadanda suka rasu ya kuma bada ikon jure wannan rashi.
Ya gargadi mutanen Jigawa nagari da su guji wuce gona da iri, wuce gona da iri, muggan kwayoyi, barasa da tafiyar dare. Ya kuma shawarci masu ababen hawa da su rika duba tayoyin motar su, birki da sauran muhimman sassa kafin su fara kowane tafiya.
DSP Lawan Shiisu Adam, jami’in hulda da jama’a na rundunar ‘yan sandan jihar Jigawa.
