Allah ya yiwa Farfesa Shehu Dalhatu rasuwa, babban malami a tsangayar kimiyyar siyasa da ke Jami’ar Bayero ta Kano.
Majiyar jarida Solacebase daga iyalan mamacin ta ruwaito cewa, marigayin ya rasu a daren Juma’a awani asibitin ƙasar Masar sakamakon rashin lafiya.
Sanarwar ta ce an kammala dukkan shirye-shirye domin dawo da gawar sa domin yi mata sutura.
Farfesa Dalhatu ya yi digirinsa na farko da na biyu a sashien mulki da gudanarwa a jami’ar Ahmadu Bello da ke Zaria a shekarar 1984, yayin da ya dora digirinsa na uku a tsangayar kimiyyar siyasa.
Kafin rasuwar sa, Farfesa Dalhatu shi ne babban daraktan cibiyar bincike da tabbatar da dimukradiyya ta Aminu Kano dake gidan mumbayya.
