Sanata mai wakiltar mazabar Edo ta Arewa, Adams Oshiomhole, ya ce Ministan Babban Birnin Tarayya Abuja, Nyesom Wike, Shugaban Kasa Tinubu yake goyon baya, ba jam’iyyar APC ba.
Oshiomhole ya bayyana hakan ne a ranar Talata yayin da yake amsa tambayoyi a wata hira da gidan talabijin na TVC.
Read also: Kwankwaso ya goyi bayan Matsayar NDC na baiwa yankin Kudu takarar shugaban kasa ta 2027
Kalaman nasa sun biyo bayan takaddamar da ta kunno kai tsakanin Wike da wasu gwamnonin APC, bayan da ministan ya bayyana wasu daga cikin gwamnonin jam’iyyar a matsayin “marasa himma a siyasa.”
Tsohon gwamnan Jihar Edon ya bayyana cewa, duk da cewa Ministan Abuja ba ɗan jam’iyyar APC ba ne, ya sha bayyana goyon bayansa ga Shugaba Tinubu.
Read also: Dan takarar gwamnan jihar Kano a jam’iyyar LP ya kuma APC
“Wike yana goyon bayan Shugaba Tinubu ne, amma ba APC ba. Matsayar wasu daga cikin gwamnonin APC da ta ministan ɗaya ce. Dukkansu sun himmatu wajen goyon bayan sake zaɓen Shugaba Tinubu.
“Ni na gamsu da cewa ɓangarorin biyu suna aiki ne domin cimma manufa guda, wato goyon bayan Shugaban Ƙasa.
Read also: Dan Buhari ya samu tikitin APC kai tsaye don neman kujerar Majalisar Wakilai
“Ban ji wani ɓangare na wannan muhawara yana nuna cewa wani, har da Ministan Abuja, yana adawa da sake zaɓen Shugaba Tinubu ba.
“Shi da kansa ya sha faɗa cewa shi ba ɗan APC ba ne, ba ya cikin APC, amma yana goyon bayan Shugaban Ƙasa,” in ji Oshiomhole.
