Paul Pogba ya fara buga wa Juventus wasa a karon farko ranar Talata, bayan da ya shiga karawar da ta doke Torino.
Juventus ta ci Torino 4-2 a wasan mako na 24 a gasar Serie A da suka fafata a Turin.
Dan kwallo tawagar Faransa ya shiga wasan na hamayya na ‘yan birnin Turin a minti na 68, wanda ya canji Enzo Barrenechea a lokacin suna 2-2.
Minti uku tsakani Bremer ya ci wa Juventus kwallo na uku.
Babban wasa na karshe da Pogba ya yi shine a Manchester United a Premier League a cikin Afirilun 2022, ya ji rauni tun kan hutu a wasan da Liverpool ta ci 4-0 a bara.
Ya sake komawa Juventus tun kan fara kakar bana, amma ya ji rauni a watan Yulin 2022.
Bayan da Pogba ya koma Juventus, magoya baya sun yi farin ciki da fatan zai mayar da kungiyar kan ganiya kamar yadda ya yi a baya.
Ya taka leda a Juventus tsakanin 2012 zuwa 2016 a matashin dan kwallo daga United da cin kofi hudu.
Tun farko bai yadda an yi masa tiyata ba, saboda zuwa gasar kofin duniya a Qatar, daga baya ya canja shawara da ta kai Faransa ba ta gayyace shi ba.
