Kamfanin Afirka Fintech Foundry (AFF) ya ce ya hada kai da babban bankin Kasa (CBN) don tallafawa kamfanoni 10 da za su fara aikin, gudanar da tsarin eNaira a kasar.
Shugaban kamfanin, Mista Daniel Awe, ne ya bayyana hakan a wata hira da kamfanin dillancin labarai na Kasa (NAN) ranar Asabar a Legas.
Awe ya ce Kamfanoni da zasu fara guda 10, na kirkire-kirkire, ne da na ’yan kasuwa, suna cikin Kamfanoni sama da dubu 5 da suka fara rajista da tsarin eNaira Hackathon.
Ya ce akwai bukatar a kara amfani da kudin eNaira a kasar nan, saboda ana sa ran zai inganta hada-hadar kudi, sannan zai tallafawa tsarin tattalin arziki na dijital da Kuma inganta harkokin tattalin arziki.
“CBN ya bullo da tsarin eNaira ne tun a shekarar 2021.”
