Tsohon kakakin majalisar wakilai, Yakubu Dogara ya amince da takarar Air Marshall Sadiq Baba Abubakar (rtd) na jam’iyyar APC a zaben gwamnan jihar Bauchi.
Dogara dan jam’iyyar PDP ne kuma mamba a kwamitin yakin neman zaben shugaban kasa na dan takarar shugaban kasa na jam’iyyar, Atiku Abubakar.
A shekarar 2019 ya jagoranci gamayyar jam’iyyun siyasa da masu ruwa da tsaki a Bauchi don tsige tsohon gwamna Mohammed Abubakar, ya kuma taimaka wajen dora Bala Mohammed, wanda a yanzu ke neman tazarce a karkashin PDP.
Sai dai jim kadan bayan zaben gwamnan Bala Mohammed ya yi zargin cewa ya yi watsi da duk wasu yarjejeniyoyin siyasa da ya kulla kafin zaben.
“Mohammed ba shi da wata soyayya da fitattun ‘yan jihar da ke adawa da salon mulkinsa da suka hada da Dogara da kuma wani dattijo Alhaji Bello Kirfi wanda ya yi minista a jamhuriya ta biyu a lokacin shugaban kasa Shehu Shagari ya tube sarautar sa ta gargajiya ta Waziri a Masarautar Bauchi.
Dogara ya zargi Bala Mohammed da rashin biyan albashin malamai da ma’aikatan gwamnati.
A ranar Laraba ne Dogara ya jagoranci tawagar yakin neman zaben Air Marshall Sadiq Baba Abubakar a wasu kananan hukumomin Bauchi da suka hada da Kirfi da Alkaleri mahaifar gwamnan jihar.
Da yake jawabi ga dimbin magoya bayansa a karamar hukumar Alkaleri, Dogara ya bukaci jama’a da su bi tafarkin karramawa.
Ya bayyana Abubakar a matsayin uba da zai kawo sauki da taimako ga al’ummar Bauchi.
