Bishop Matthew Kukah, na darikar Katolika na jihar Sokoto, ya bukaci gwamnatin shugaba Bola Tinubu ta yiwa manyan Najeriya tambayoyi da ke ikirarin cewa suna da alaka ta kut da kut da ‘yan fashi.
Da yake magana yayin wata tattaunawa da gidan talabijin na Channels a ranar Talata, Kukah ya ce a fili yake gwamnati ta hanyar leken asiri ta san abin da ke faruwa, don haka ya kamata a yiwa wadanda suka fito fili suka ce suna da alaka da barayin.
Karin labari: Shugaba Tinubu ya sake sabon nadi
“A bayyane yake cewa gwamnatin tarayya a matakin koli ta san abin da ke faruwa. Akalla jami’an leken asiri suna da ra’ayi,” inji shi.
“Akwai manyan ’yan Najeriya da ke fadin cewa sun fi sanin abin da sauran mu suka sani, kuma ina ganin aikin gwamnatin tarayya ne ta gano wadanda ke ikirarin sun san inda barayin suke wadanda ke hada kai da ‘yan fashi.
Karin labari: Gwamna Yusuf Ya Nada Dan Kwankwaso Da Wasu Mutane 3 A Matsayin Kwamishinoni
“Wannan shi ne babban al’amarin da al’ummarmu ke ciki. Jami’an tsaro tare da hadin gwiwar wadanda suka bayyana a fili cewa sun san abin da ke faruwa… Ina ganin gwamnatin tarayya tana da karfin bin wadannan mutane.”
