Shugaba Bola Tinubu ya amince da nadin Farfesa John Obafunwa a matsayin sabon Darakta-Janar na Cibiyar Binciken Likitoci ta Najeriya (NIMR).
A cewar wata sanarwa da Cif Ajuri Ngelale, mai magana da yawun shugaban kasar ya fitar a ranar Litinin, Obafunwa zai gaji Farfesa Babatunde Salako, wanda wa’adinsa zai kare a ranar 23 ga watan Yuli.
Nadin ya fara aiki daga ranar 24 ga watan Yuli.
“Shugaba Tinubu ya mika godiyarsa ga Farfesa Salako saboda hidimar da yake yiwa kasa,” in ji sanarwar.
Karin labari: Majalisar wakilan Najeriya ta yi barazanar daukar mataki kan wasu hukumomi da kamfanoni
Shugaban na fatan sabon Darakta Janar ya kawo dimbin gogewa da cancantar da zai iya dauka a wannan aiki don kara kaimi ga manufar NIMR na jagorantar bincike kan cututtukan da ke da mahimmancin lafiyar al’umma a Najeriya.
Ya kuma sa ran zai samar da tsare-tsare don yada sakamakon bincike tare da samar da yanayi da kayan aikin bincike da horar da kiwon lafiya tare da hadin gwiwar ma’aikatun lafiya na tarayya da na jihohi.
Obafunwa ya yi karatun likitanci a Jami’ar Legas a shekarar 1980, inda ya kware a fannin ilimin dabi’a (morphological study of disease), inda ya kammala a watan Mayu 1987.
Karin labari: Gargadi: Gwamnatin Kogi ta gargadi al’ummar jihar kan shiga zanga-zanga
Daga baya ya sami digiri na musamman a Forensic Pathology a Scotland (1991) kuma ya sami digiri na shari’a daga Ingila (2004).
Yana da wasu cancantar ilimi kuma yana da membobin ƙwararrun ƙungiyoyi daban-daban a Burtaniya, Amurka, da Najeriya. Ya yi aiki a tsibirin Cayman da Bermuda da kuma Birtaniya kafin ya dawo Najeriya a watan Nuwamba 2004 inda ya zama Farfesa a Kwalejin Magunguna ta Jami’ar Jihar Legas (LASUCOM) kamar yadda NAN ta tabbatar.
