Najeriya ta shiga cikin wani sabon yanayi na tabarbarewar tsaro sakamakon rufe hanyoyin sadarwa na kasa da wasu fusatattun ‘yan kungiyar kwadago suka yi.
Tsarin wutar lantarki na kasa ya ragu zuwa megawatts sifiri a ranar litinin, sakamakon katsewar wutar lantarki ga daukacin kamfanonin rarraba wutar lantarki guda goma sha daya a kasar.
Sanarwar da Babban Manajan Hulda da Jama’a na NAN, Ndidi Mbah, ya fitar ta ce, dakatarwar da aka yi a fadin kasar ta biyo bayan ma’aikatan hukumar ta TCN karkashin kungiyar ma’aikatan wutar lantarki ta kasa (NUEE), tare da rufe dukkanin tashoshin wutar lantarki a fadin kasar baki daya.
Karin labari: Rigimar Masarauta: Yajin aikin kungiyoyin kwadago ya shafi rashin zaman kotu a Kano
A ranar Litinin da misalin karfe 2:19 na safiyar, lamarin da ya sa tsarin wutar lantarki na kasa ya ragu zuwa megawatts sifiri.
“Da misalin karfe 1:15 na safiyar yau ne,tashar wutar lantarki ta Benin karkashin independent System Operations Unit ta rawaito cewa an kori dukkan ma’aikatanta daga dakin kula da lantarki, kuma an lakadawa ma’aikatan da suka bijire duka, yayin da wasu kuma suka samu raunuka.
“Sauran tashoshin wutar lantarkin da kungiyar kwadago ta rufe sun hada da Ganmo, Benin, Ayede, Olorunsogo, Akangba da kuma Osogbo.
Haka kuma an bude wasu layukan sadarwa saboda ayyukan da kungiyar kwadago ke ci gaba da yi,” in ji sanarwar.
Karin labari: Yanzu-yanzu: CBN ya soke lasisin bankin Heritage
A bangaren samar da wutar lantarki kuwa, Mbah ya ce, an tilastawa rukunin gidajen da ke samar da wutar lantarkin rufe wasu sassan da suke samar da wutar lantarki.
Sanarwar ta ce, “An tilasta wa tashar samar da wutar lantarki ta Jebba rufe daya daga cikin na’urorin da ke samar da wutar lantarki.
Idan dai za a iya tunawa, kungiyar Kwadago bayan wata ganawa ta sa’o’i hudu da shugabannin majalisar dokokin kasar da yammacin ranar Lahadi a Abuja, shugabannin kungiyar sun ce babu gudu babu ja da baya kan shirin tsunduma yajin aiki na kasa baki daya.
Karin labari: Mazauna Kano Suna Neman Ingantaccen Tsaro, A lokacin Da Jihar Take Fuskantar Rikicin Sarauta
Taron dai wani bangare ne na kokarin da ‘yan majalisar suka yi a cikin ‘yan kwanakin da suka gabata domin shawo kan ma’aikatan da suka kosa su ajiye aikin da suka yi na masana’antu don samun sabon mafi karancin albashi.
Matakin da kungiyar kwadagon ta dauka ya biyo bayan cece-kucen da aka samu tsakanin gwamnatin tarayya da kungiyoyin a kan sabon mafi karancin albashin ma’aikata na kasa da kuma sauya farashin wutar lantarki da aka yi a baya-bayan nan.
