Gwamnatin tarayya ta yi gargadi ga jihohi 11 na Najeriya game da sakin ruwa daga madatsar ruwan Lagdo da ke kasar Kamaru.
Hukumar Kula da Ruwa ta Najeriya ta tabbatar da cewa an fara fitar da ruwan daga madatsar ruwa a ranar 17 ga Satumba, 2024, a kan gudun mita 100/s, wanda ake sa ran sannu a hankali zai karu zuwa 1000m³/s a mako mai zuwa.
Ana sa ran sakin ruwan zai shafi jihohin da ke kan iyaka da kogin Benue da suka hada da Adamawa, Taraba, Benue, Nasarawa, Kogi, Edo, Delta, Anambra, Bayelsa, Cross River, da Rivers.
Yayin da hukumomi ba sa tsammanin ambaliyar ruwa mai tsanani, sun yi kira da a kara sanya ido da kuma shirye-shiryen rage illar da ke iya haifarwa.
Sakin Dam din na Lagdo ya dade yana haifar da damuwa, domin hakan na iya haifar da ambaliya a yankunan da ke kusa da ruwa a Najeriya.
