Gwamnan jihar Kano, Abba Kabir Yusuf, ya ziyarci manyan gidajen ajiya da gyaran hali guda biyu a jihar da ke Janguza da Goron Dutse, yana mai jaddada kudirin gwamnatinsa na kula da jin dadin fursunonin.
Hakan ya fito ne a cikin wata sanarwa dauke da sa hannun Musbahu Lawan K/Nasarawa mai magana da yawun hukumar kula da gidajen ajiyar da gyaran hali na Kano a ranar Juma’a.
A cewar sanarwar, ziyarar gwamnan ta biyo bayan rahotannin da kafafen yada labarai suka bayar a baya-bayan nan kan zargin rashin isasshen abinci da kuma abubuwan da suka faru na cin zarafi da suka hada da neman jinsi a cikin cibiyoyin.
A yayin ziyarar, Gwamna Yusuf ya ba da gudummawar shanu biyu, da kayan abinci iri-iri, kayayyakin bayan gida, da kuma muhimman gadaje da kayan kwanciya don inganta rayuwar fursunonin.
Sanarwar ta kara da cewa, hukumar ta yi maraba da wadannan kayan kudade masu tarin yawa tare da tabbatar wa jama’a cewa za a raba su cikin adalci da kuma amfani da su ta hanyar da ta dace.”
Ta kara da cewa hukumar tana da tsarin rashin yarda da cin zarafi ko take hakkin dan Adam kuma ta himmatu wajen tabbatar da tsaro, mutunci, da jin dadin fursunonin daidai da ka’idojin kasa da kasa.
