Shugaban ƙasa Bola Tinubu ya nada Taiwo Oyedele a matsayin Karamin Ministan Kudi.
A cewar mai magana da yawun shugaban kasa, Bayo Onanuga, tsohon Shugaban Kwamitin Shugaban Kasa kan Manufofin Kudi da Gyaran Haraji zai maye gurbin Doris Uzoka-Anite.
Shugaba Tinubu ya aike da sunan Oyedele zuwa Majalisar Dattawa domin tantancewa a cikin wata wasika da ya aika wa Shugaban Majalisar Dattawa, Godswill Akpabio, kamar yadda Onanuga ya tabbatar a cikin wata sanarwa ranar Talata.
Uzoka-Anite zai koma Ma’aikatar Kasafi da Tsare-tsare ta Kasa a matsayin Karamin Minista, wanda shi ne mukaminsa na uku a wannan gwamnati.
A shekarar 2023, Tinubu ya nada Oyedele, wanda abokin hulda ne kan manufofin kudi kuma jagoran haraji na Afirka a PriceWaterhouseCoopers (PwC), a matsayin shugaban kwamitin gyaran haraji.
Oyedele mai shekaru 50 kwararre ne a manufofin jama’a, kuma akanta ne da masanin tattalin arziki.
Ya yi karatu a kwalejin fasaha ta Yaba inda ya samu babbar difloma (HND) a fannin lissafin kudi da kudi.
Oyedele ya kuma samu digirin BSc a fannin lissafin kudi da aka aiwatar daga jami’ar Oxford Brookes.
Ya kuma yi karatu a makarantar koyar da ilimin tsimi da tanadi da ke London, Yale, da makarantar Harvard Kennedy, inda ya kammala shirye-shiryen ilimi na manyan jami’ai.
Ministan ya shafe shekaru da dama yana aiki a PwC, inda ya fara aikinsa a cibiyar a shekarar 2001.
Farfesa ne a jami’ar Babcock da ke Jihar Ogun, sannan kuma malami mai ziyara ne a makarantar koyar da kasuwanci da ke Lagos.
