Hukumar Kula da Al’amuran Hajji ta Kasa (NAHCON) ta sanar da kudaden Hajjin 2025.
Alhazai daga jihohin Kudu za su biya N8.78 miliyan, yayin da na Borno da Adamawa za su biya N8.33 miliyan.
Alhazai daga Arewacin Najeriya kuwa za su biya N8.46 miliyan.
Shugaban NAHCON, Farfesa Abdullahi Saleh Usman, ya bayyana haka cikin wata sanarwa daga Mataimakiyar Darakta ta Bayanan Hujja, Fatima Usara, a Abuja.
NAHCON ta yi kira ga masu niyyar tafiya Hajji su bi ka’idojin Saudiyya, su yi rajista da wuri, kuma su biya kudinsu cikin lokaci don guje wa matsaloli.
Hukumar ta gode wa shugabancin kasa da sauran masu ruwa da tsaki kan goyon bayansu, tana mai jaddada aniyarta na tabbatar da tafiyar Hajji mai inganci ga dukkan alhazai na Najeriya.
