Kayayyakin miliyoyin nairori ne dai tuni suka salwanta yayin wata gobara da ta tashi a babbar kasuwar Alaba.
Daraktar Hukumar Kashe Gobara ta Jihar Legas, Uwargida Margaret Ogunseye ta tabbatar da faruwar gobarar a babbar kasuwar.
Ta ce, duk da haka ma’aikatan kashe gobara, wadanda aka tura domin kashe gobarar an hana su yin hakan.
Kawo yanzu dai ba a san musabbabin tashin gobarar ba har zuwa lokacin hada wannan rahoto, yayin da ‘yan kasuwa da wasu suka yi kokarin tunkarar kawo karshen wutar data lashe dukiya mai tarin yawa.
