Jam’iyyar APC reshen jihar Adamawa ta dakatar da sakataren gwamnatin tarayya, Boss Mustapha, saboda ya sha kashi a hannun jam’iyyar PDP a zaben shugaban kasa da na gwamna.
Jam’iyyar ta bayyana cewa Mustapha bai bayar da gudunmawar da ta dace ba ga ‘yan takararta na shugaban kasa da na gwamna.
Da yake sanar da dakatarwar a wani taron manema labarai a Yola, shugabannin kwamitin, sun ce Mustapha bai jajirce ga nasarar APC a zaben shugaban kasa ba.
Sai dai a wani yanayi na ba zata kan sanarwar dakatarwar da aka yi wa SGF, kwamitin gudanarwa na jam’iyyar na Jiha a karkashin jagorancin shugaban riko, Cif Samaila Tadawus, ya bayyana sanarwar a matsayin “rashin tsarin mulki, ba shi da amfani kuma ba shi da wani tasiri. .”
Ita ma jam’iyyar APC reshen jihar Adamawa, ta bayyana umarnin kwamitin zartarwa na karamar hukumar Yola ta Arewa, da ta kafa kwamitin ladabtarwa da zai gaggauta yin bincike tare da ba da shawarar daukar matakin da ya dace.
Sakataren jam’iyyar, Dr. Raymond Chidama, wanda ya yi wa ‘yan jarida jawabi a sakatariyar jam’iyyar a madadin ‘yan kwamktin ya koka da yadda ‘ya’yan jam’iyyar ke daukar nauyin ‘yan adawa a cikin jam’iyyar da mugun nufin kai hari ga dattawan jam’iyyar ta hanyar ayyukan da suka yi watsi da kundin tsarin mulkin jam’iyyar.”
Ya ce, “Muna bayyana karara cewa irin wannan dakatarwar ta sabawa kundin tsarin mulkin kasa, kuma ba shi da wani tasiri, domin kwamitin ayyuka na jiha ya gargadi shugabannin unguwanni a baya da su daina wannan aika-aika na cin mutuncin dattawan jam’iyyar tare da yin watsi da tsarin mulki.”
