Hukumar zabe mai zaman kanta ta kasa INEC ta ce karancin sabon kudi ka iya shafar gudanar da babban zabe mai zuwa, wanda ya rage saura kwana goma a fara.
Kwamishinan hukumar, Alhaji Yahaya Bello, ya tabbatar da cewa tsarin babban bankin Najeriya CBN, ba makawa zai shafi gudanar da zabe.
Bello ya bayyana hakan ne a wajan taron North-Central stakeholders’ roundtable wanda ya gudana a Abuja ranar Talata.
Ya kara da cewa INEC na bukatar takardar kudin Naira domin ta sami damar biya direbobi da jami’an tsaron da zasuyi aiki a yayin zaben mai zuwa.
