Kamfanin jiragen sama na Emirates ya yi tayin hadin gwiwa da Najeriya a yunkurinta na kafa kamfanin jirgi mallakin kasar.
Mista James Odaudu, mataimaki na musamman ga Sanata Hadi Sirika, ministan sufurin jiragen sama, ya bayyana a Abuja ranar Litinin cewa, shugaban kamfanin jiragen sama na Emirates, Mista Tim Clark ya yi wannan tayin ne yayin wani taron tattaunawa a hadaddiyar duaular larabawa mai taken ‘Dubai Expo 2020.’
An gudanar da tattaunawar ne don yin duba kan makomar zirga-zirgar jiragen sama.
Clark ya ce kamfanin jiragen sama na Emirates zai yi farin cikin taimakawa idan aka nemi taimakonsa wajen fara jigilar kayayyaki a Najeriya.
Ya kara da cewa irin wannan taimakon zai taimaka wajen cike gibi da ake dashi a bangaren jigilar kayayyaki a Nigeria musamman masu jigilar.
Sirika ya ce a wurin taron cewa tayin da kamfanin jiragen sama na Emirates ba zai iya zama wani abu ba illa amincewa da bukata, himma, da tsarin aikin jigilar kayayyaki na kasa.
Ya kuma ce matakin na Emirates Airlines ya kuma nuna kwarin gwiwa ga al’ummar sufurin jiragen sama na kasa da kasa kan kudurin da Najeriya ta yi na mallakar nata jirgin.
Ya ce tayin wani abin kwarin guiwa ne ga ’yan kasuwa da dama a halin yanzu suna shirya kudurorinsu na hadin gwiwa na gwamnati na kamfanin Nigeria Air domin amsa bukatar neman shawara da Najeriya ta tallata.
Sirika ya ba da tabbacin cewa tsarin da aka yi na sayen takardar shedar ma’aikatan jirgin sama da kuma lasisin sufurin jiragen sama ya yi nisa don ranar da ake sa ran kaddamar da kamfanin na kasa da ‘yan Najeriya za su yi alfahari da shi.
An fara shirya shi ne a ranar 20 ga Oktoba, 2020, zuwa 10 ga Afrilu, 2021. Masu shirya taron sun ajiye sunan Expo 2020 don tallace-tallace da dalilai masu alama duk da jinkirin da aka yi saboda cutar ta COVID-19.
