Rundunar sojin saman Najeriya NAF ta yi luguden wuta a sansanonin ‘yan ta’adda da dama a kauyukan jihar Kaduna.
Hukumar leken asirin ta hadin gwiwa ta gano wasu gine-gine da matsugunan dazuzzuka, wadanda ke zama sansanin ‘yan fashi da makami da masu garkuwa da mutane da ke addabar matafiya a kan hanyar Abuja zuwa Kaduna da kuma hanyoyin jirgin kasa.
Wannan dai na zuwa ne a daidai lokacin da jirgin saman Najeriya NAF ya kashe ‘yan ta’adda da dama a ranar Laraba bayan samun bayanan sirrin motsin su.
Kamfanin dillancin labaran, ya nakalto daga jaridar PRNigeria cewa, bayan samun bayanan sirri kan zirga-zirgar ‘yan ta’addan a kan titin Akilibu – Sarkin Pawa, kusa da kauyen Mangoro, jirgin NAF ya yi artabu da ‘yan ta’addan ta hanyoyi daban-daban da makaman roka, yayin da wadanda ke gudun hijira suka yi awon gaba da su.
Wani jami’in leken asirin cikin gida ya shaidawa PRNigeria cewa an kirga gawarwakin ‘yan fashin guda 34 yayin wani samame da aka kai musu.
A halin da ake ciki kuma, wani taron sirri na gaggawa da hukumar leken asiri ta DIA ta shirya bayan harin da aka kai kan jirgin kasan Abuja zuwa Kaduna, ya bayyana wurare uku a matsayin maboyar ‘yan bindigar.
PRNigeria ya tattaro cewa taron ya yi la’akari da tura jami’an tsaro hadin gwiwa da kuma sa ido kan hanyoyin da za a bi don samar da layin dogo.
Wuraren da hukumar leken asirin ta bayyana a matsayin guraren ‘yan ta’addan suna cikin Rijana, Katari da kuma Kasarami.
Wuraren na da kusanci da babbar hanyar Kaduna zuwa Abuja da layin dogo.
Jami’in ya kuma shaida wa PRNigeria cewa za a fara wani gagarumin aikin tsaro na hadin gwiwa a yankunan, a lokaci guda tare da tallafin jirage marasa matuka da aka samu kwanan nan.
Shugaba Buhari ya bai wa hafsoshin tsaron kasar umarnin yin tattaki don nemo mafita mai dorewa kan hare-haren da ‘yan bindiga da masu garkuwa da mutane ke kaiwa kan masu ababen hawa da kuma horar da fasinjoji.
