Mai magana da yawun kungiyar yakin neman zaben tsohon dan takarar shugaban kasa na jam’iyyar Labour Party (LP) a zaben da ya gabata, Kenneth Okonkwo, ya fice daga jam’iyyar tare da sukar Peter Obi, yana mai cewa ba shi da shugabanci kuma ba zai iya dorewar nasara ba ko da kuwa ya yi nasara.
Jarumin dan siyasar da ya koma jam’iyyar Labour Party (LP), a shekarar 2022, ya zargi tsohon gwamnan jihar Anambra da gazawa wajen warware rikicin cikin gida da ya dabaibaye jam’iyyar adawa.
A wata sanarwa a ranar Lahadi mai taken, “Tafiya Ta Siyasa Zuwa Babbar Najeriya’” da yake bayyana matakinsa na ficewa daga jam’iyyar, Okonkwo, ya ce Obi bai yi wani abin da ya dace ba wajen magance rikicin shugabancin da ya dabaibaye jam’iyyar da kuma gina ta gabanin zabukan 2027 mai karatowa.
Karin labari: An kashe Mutum 2 a harin da Boko Haram ta kaiwa ofishin ‘Yan Sanda a Borno
“Kowane dan jam’iyyar Labour ya rude a yau game da makomar jam’iyyar saboda rashin shugabanci daga Peter Obi akan jam’iyyar, kuma abin takaici idan suka duba na gaya musu ra’ayin shi, a gaskiya babu abin da zan iya na gaya musu don ni ban san kaina ba.
“Ba zan iya ci gaba da magana a madadin shugaban da ban san matsayinsa kan batutuwa masu mahimmanci ba, Ni dai ban san yadda ake sarrafa gaskiya ba.
“Na yi mamakin yadda Peter Obi ba zai iya fitowa fili ya goyi bayan kyakkyawan kokarin kungiyar kwadagon da suka kafa jam’iyyar Labour a matsayin cibiyar yaki da jindadin ma’aikata ba har wasu daga cikinsu na cewa yanzu shine matsalar Jam’iyyar LP.
Karin labari: “Yadda Tinubu Zai Hana Zanga-zanga” – Kungiyar Goyon Bayan Atiku
“Kungiyoyi a yanzu suna cikin yanayi mara dadi inda suke yaki da masu aikata laifukan da ke son sace jam’iyyarsu yayin da wata sanarwa ta yau da kullun daga Obi ta kawo mafita.
“Ina ba da cikakken goyon baya ga Kungiyoyin Kwadago da sauran masu ruwa da tsaki wadanda a yanzu suka tilasta yin gwagwarmaya ga jam’iyyar LP ba tare da goyon bayan Peter ba.
“Duk da haka, sakamakon shi ne cewa ba ni da kwarin gwiwa cewa Obi yana da abin da ake bukata don gina jam’iyyar da za ta iya lashe wadannan bayanai, ya tabbatar da cewa ko da mutane sun zabe shi, ba lallai a iya samun abin da ake buƙata ba,” in ji sanarwar.
A karshe Okonkwo, ya caccaki jam’iyyar APC mai mulki da jam’iyyar adawa ta PDP.
