Gwamnan Jihar Kano, Alhaji Abba Kabir Yusuf, ya taya takwaransa na Jihar Ekiti, Biodun Oyebanji, murnar rantsar da shi a wa’adi na biyu a matsayin gwamnan jihar.
Gwamna Yusuf ya bayyana bikin rantsarwar a matsayin wani babban ci gaba a tarihin siyasar Oyebanji, tare da cewa hakan ya nuna irin amincewar da al’ummar Jihar Ekiti suka yi da shugabancinsa.
Read also: Yanzu-yanzu: An samu fashewar wani abu a Ibadan
Wannan na kunshe ne a cikin wata sanarwa da kakakin gwamnan Kano, Sunusi Bature Dawakin Tofa, ya fitar ranar Asabar.
Gwamna Yusuf ya bayyana fatan cewa wa’adin mulki na biyu na Oyebanji zai ba shi wata dama ta karfafa nasarorin da ya samu a baya, inganta tsarin dimokuraɗiyya da kuma hanzarta samar da ci gaban Jihar Ekiti.
Read also: Majalisar ministocin Senegal ta amince da dokar yin afuwa ga fursunonin siyasa
Ya bukaci gwamnan na Ekiti da ya ci gaba da mayar da hankali kan manufofin da suka shafi bukatun al’umma, shugabanci da zai bai wa kowa dama da kuma shirye-shiryen da za su inganta rayuwar ’yan jihar.
Gwamna Yusuf, wanda mataimakinsa, Alhaji Murtala Sule Garo, ya wakilta a wajen bikin rantsarwar, ya kuma jaddada muhimmancin hadin gwiwa tsakanin gwamnatocin jihohi wajen karfafa hadin kan kasa, bunkasa tattalin arziki da kuma samar da ci gaba mai dorewa.
Read also: Majalisar wakilan Najeriya ta nemi a rufe makarantu dake fadin ƙasa baki daya
Gwamna Yusuf ya yi wa Gwamna Oyebanji da mataimakiyarsa, Monisade Afuye, fatan samun nasara da gudanar da wa’adi na biyu mai cike da ayyukan alheri.
