Makonni biyu da Nigeria, daya daga cikin dalibai 40 da aka kwasho zuwa Sokoto daga Ukraine da yaki ya daidaita, Uzaifa Halilu Modachi ya rasu.
Marigayi Uzaifa Halilu Modachi, yana shekara ta uku na karatunsa a Ukraine lokacin da sojojin Rasha suka mamaye kasar.
Mahaifin marigayin tsohon dalibi dan kasar Ukraine, Honorabul Habibu Haliru Modachi ya tabbatar da faruwar lamarin.
Mahaifin wanda dan majalisar dokokin jihar Sokoto ne, ya ce marigayi Uzaifa ya shafe shekaru uku a kasar Ukraine ba tare da ya dawo gida hutu ba.
A lokacin da yaki ya barke a kasar Ukraine, gwamnatin jihar Sokoto ta hannun ofishin jakadancin Najeriya a kasar da yaki ya daidaita, ta shirya kwashe dalibanta har da Huzaifa, sai bayan sati biyu suka dawo gida ya mutu.
“Alhamdu Lilah, Allah yana bayarwa kuma ya dauke rai, kuma haka yake so ta faru, babu shakka a cikinsa”, in ji mahaifin, “da a ce ya mutu a Ukraine, da abubuwa da yawa za a fada game da shi, cewa Ko dai harin bam na Rasha ne ya kashe shi ko kuma ya yi hatsari ko kuma sojojin Ukraine sun harbe shi da gangan kuma suka kashe shi.”
“Muna godiya ga Allah da ya sa ya mutu a gabanmu, muna kuma gode wa gwamnatin Najeriya musamman jihar Sokoto da ta dauki matakin gaggawa na kwashe su kafin yakin Ukraine ya kara tsananta”.
Marigayi Uzaifa dalibi ne a shekarar karshe a Jami’ar Kiwon Lafiya ta Jihar Zaporizhzhia Ukraine kuma yana shirin jarrabawar shekarar karshe da zai ba shi damar zama likita a lokacin da abin takaici ya faru.
Tuni dai aka binne Uzaifa a Sokoto.
