Hukumar zaɓe mai zaman kanta ta ƙasa, INEC ta ce tsarin a kasa a tsare, a raka ba zai yi aiki ba a zaɓen bana.
INEC ta shaida hakan ne a wata tattaunawa da BBC ta yi da jami’an ta, a ci gaba da kawo bayanai kan muhimmancin abubuwa da ya kamata a sani ko tunatarwa kafin ranar zaɓe.
Hukumar INEC ta ce a yanzu sai dai a ce a kasa a tsare a rumfar zaɓe, saboda komai zai kasance cikin na’ura wanda za a riƙa aikewa kai-tsaye zuwa cibiyar tattara sakamako.
Hajiya Zainab Aminu Abubakar da ke magana da yawun hukumar ta ce ta yanar gizo za a rinƙa aike sakamakon zaɓen.
