Shugaban Hukumar Kididdiga ta Kasa (NPC), Dr. Aminu Yusuf Wushishi, ya rasu.
An rawaito Wushishi ya rasu a ranar Juma’a, 28 ga watan Agusta, 2026, bayan fama da gajeriyar rashin lafiya.
Labarin rasuwar sa ya isa Minna, babban birnin jihar Neja, a daidai lokacin sallar Juma’a, wanda hakan ya jefa abokan arziki da na siyasa cikin bakin ciki.
Wushishi, wanda ya taba zama Sakataren jam’iyyar PDP a jihar Neja, ya yi fama da rashin lafiya ta dan lokaci kafin rasuwar sa.
Da yake tabbatar da faruwar lamarin, Mataimakin sa na Musamman kan Yada Labarai, Stanley Nwosu, ya ce shugaban NPC ya rasu.
“Haka ne, Shugaban NPC ya rasu bayan gajeriyar rashin lafiya,” in ji Nwosu.
