Sanata Suleiman Abdulrahman Kawu Sumaila, mai wakiltar mazabar Kano ta Kudu, ya tabbatar da ficewarsa daga jam’iyyar New Nigeria People’s Party (NNPP) zuwa jam’iyyar APC mai mulki a hukumance, wanda hakan ya kawo karshen cece-kucen siyasa da aka kwashe makonni ana yi.
A wata sanarwa da Sanatan ya fitar ta shafinsa na sada zumunta a ranar Laraba, ya tabbatar da hukuncin nasa, inda ya ce, “Eh, gaskiya ne – jita-jita game da sauya sheka ta gaskiya ne.”
Ya kuma jaddada cewa yunkurin nasa na siyasa ya samo asali ne daga wani zurfin tunani da ya yi wa al’ummar mazabar sa.
Karin karatu: Yanzu Yanzu: Gwamnan Delta Oborevwori,’ ds mataimakinsa sun fice daga PDP zuwa APC
Sanatan ya jaddada cewa ya yanke shawarar ne ta hanyar neman inganta rayuwar al’ummarsa da kuma tabbatar da ci gabansu na dogon lokaci.
Karanta har ila yau: Yanzu-yanzu: Tsohon gwamnan jihar Delta Okowa ya fice daga PDP, ya koma APC
Da yake jaddada sadaukar da kai ga aikin gwamnati, ya yi alkawarin ci gaba da kare muradun al’ummar Kano ta Kudu, tare da yin alkawarin ba da fifiko ga bukatunsu da burinsu a tafiyar da yake yi na siyasa.
Sauye-sauyen siyasar Sanatan ya sake haifar da sabon babi a fagen siyasar Kano, inda mutane da yawa suka sa ido sosai kan matakin da zai dauka na gaba.
