Halima Lukman
Cibiyar fasahar sadarwa da ci gaba (CITAD), ta mayar da martani kan rahotannin da kungiyoyin yada labarai da dama ke yi, wanda ke nuni da cewa hukumar sadarwar Najeriya NCC, na shirin sake dawo da harajin da aka dakatar a fannin sadarwa a kasar.
A cewar wata sanarwa da Y.Z Ya’u, Babban Darakta na CITAD, ya fitar, a ranar Larabar da ta gabata, ya ce matakin da ake shirin dauka abu ne mai matukar damuwa da ya kamata a magance kafin ‘yan Najeriya su sake fadawa cikin wani mawuyacin hali.
“A matsayin masu ruwa da tsaki da suka zuba jari sosai kan makomar dijital ta Najeriya, Cibiyar Fasahar Sadarwa da Ci gaba (CITAD) ta nuna matukar adawa ga wannan shirin sake dawo da harajin sadarwa a wani bangare na kokarin da gwamnatin Najeriya ke yi na samun sabon rancen dala miliyan 750 daga Bankin Duniya.”
“A yayin da muka amince da bukatar kasar nan ta kara hanyoyin samun kudaden shiga, mun yi imanin cewa sanya haraji kan harkokin sadarwa, musamman a wannan lokaci mai muhimmanci da bankuna da na’urorin samar da wutar lantarki ke kara kara yawan kudaden da ake kashewa, zai haifar da babbar illa ga rayuwar talakawa.”
“Maimakon saukaka tafiyar Najeriya zuwa ga canji na dijital kamar yadda da yawa za su yi watsi da fannin.”
“Wannan harajin na sadarwa da aka gabatar, kamar yadda aka bayyana a cikin Shirin Haɗin gwiwar Masu ruwa da tsaki na shirin ARMOR na Nijeriya, zai ƙara tsananta ƙalubalen da ake da su a yanzu da kuma shingen araha da kuma isa ga ƙasar. Maimakon kara wa ‘yan kasa wasu nauyi da matsalolin kudi, zai fi kyau gwamnati ta ba da fifiko tare da mai da hankali kan matakan da za su rage tsadar fasahar zamani, ta yadda ‘yan Najeriya za su iya amfani da karfinta na kawo sauyi.”
“Waɗannan shirye-shiryen na iya kasancewa kan samarwa da sauƙaƙe jigilar hanyoyin sadarwar al’umma zuwa wuraren da ba su da alaƙa.”
