Dan takarar shugaban kasa na jam’iyyar PDP ya jagoranci zanga-zangar nuna kin amincewa da sakamakon zaben shugaban nasa na 2023. Atiku Abubakar na tare da sauran jiga-jigan PDP, ciki har da shugaban jam’iyyar na kasa, Ayu Iyorchia da gwamnan Sokoto, Aminu Tambuwal a helkwatan INEC da Abuja.
Sauran wadanda ke cikin zanga-zangar sun hada da; shugaban kwamitin kamfen na PDP, kuma gwamnan Akwa Ibom, Udom Emmanuel da dai sauran manyan masu fada a ji a jam’iyyar.
A tun farko, dan takarar na PDP ya ce bai amince da sakamakon zaben shugaban kasan da ya kawo Bola Ahmad Tinubu a matsayin wanda ya lashe zabe ba.
PDP da dan takarar sun zargi almundahana da siyan kuri’u a lokacin zaben na shugaban kasa.
