Ministan kwadago da samar da ayyukan yi, Dakta Chris Ngige, ya bayyana cewa albashin Sa a matsayinnsa na minista na kowanne wata naira 942,000 bayan biyan haraji.
Wannan dai na zuwa ne a daidai lokacin da ake bukatar karin mafi karancin albashi na N30,000 na kasa da kungiyoyin kwadago ke yi.
Ngige, wanda yake magana a gidan Talabijin na Channels TV’s ashirin siyasa, ya ce ba su da alawus alawus a matsayinsu na minista sai alawus alawus na aiki a lokacin da za su je aiki.
“Abashina N942,000 ne a wata. Albashina tare da PA dina – jimlar kudin bayan haraji – ciyar da ni, jigila, jigilar PA, albashin mai lambu na, mai dafa abinci na, duk an hada su aciki. Bayan haraji mai yawa, suna biyana N942,000.
“Duk minista da ka gani, shi ne abin da yake samu; masu ba da shawara na musamman suna samun kusan wannan adadin kum, ba mu da wani alawus sai dai idan an ta shi yin wata tafiya” in ji Ngige.
Ya kara da cewa kudaden alawus din tafiye-tafiyen da ministocin ke karba a baya-bayan nan an sake bibiyar su tare da na sakatarorin dindindin da sauransu.
“An sake nazarin shi zuwa N100,000 ga minista, kuma ina tsammanin kananan ministocin kuma, N75,000; sakatarorin dindindin, N70,000, an kuma sake duba na kowa, ba namu kadai ba,” inji shi.
Da aka tambaye shi ko me ya sa gwamnati ta kasa rage yawan marasa aikin yi a kasar nan, wanda ya kai kashi 33.3 a shekarar 2021, Ngige ya bayyana cewa samar da ayyukan yi wani nauyi ne da ya rataya a wuyan kamfanoni masu zaman kansu, ba gwamnati kadai ba.
Ya kuma dora alhakin raguwar saka hannun jari kai tsaye daga kasashen ketare kan karuwar rashin aikin yi.
“Kowa ya tuna cewa gwamnati ce ke samar da ayyukan yi: ‘Idan ba mu yi aiki a ma’aikatar tarayya ko ma’aikatar gwamnati ba, ba mu samu aiki ba.’ A’a, kamfanoni masu zaman kansu suna nan.”
Ministan ya bayyana cewa kamfanoni masu zaman kansu suna da masana’antu da wuraren aiki inda suke samar da ayyukan yi ta hanyar noma da sauran fannoni.
