‘Yan sanda a jihohin Indiya biyu sun samu korafe-korafe kan wata manhajar yanar gizo dq ta sanyqv hotunan mata musulmi sama da 100 tare da bayyana su a matsayin na sayarwa.
Wadanda ake tuhumar sun hada da masu kirkiro manhajar da Twitter wadanda suka yada hotuna da abun ciki.
Manhajar mai suna Bulli Bai an shirya ta ne akan dandamalin gidan yanar gizon GitHub. Wanda tuni suka sauke manhajar.
Wannan shi ne karo na biyu da aka yi yunkurin cin zarafin mata musulmi a Indiya ta hanyar yin gwanjon su ta yanar gizo.
A watan Yuli, wata manhaja da gidan yanar gizo mai suna “Sulli Deals” sun kirkiro bayanan mata musulmi fiye da 80 ta hanyar amfani da hotunan da suka ɗora akan layi – kuma sun bayyana su a matsayin “yarjejeniya ta yau”.
A cikin duka biyun, babu wani nau’i na gaske na sayarwa – manufar ita ce wulakanta mata musulmi ta hanyar raba hotunansu.
Sulli kalma ce ta wulakantacciya ta yaren Hindi wadda ake amfani da ita ga matan musulmi, kuma “bulli” shima abin burgewa ne.
‘Yar jarida Ismat Ara, wacce sunanta da hotonta suka bayyana a manhajar Bulli Bai, ta shigar da karar ‘yan sanda a karshen mako a Delhi.
An yi wa mutanen da ba a san ko su wanene ba kuma tuhume-tuhumen da ake tuhumar su da shi sun hada da cin zarafi da yada kiyayya a kan dalilan addini.
