Tsohon alkalin babbar kotun jihar Kano mai shari’a Wada Umar Rano ya rasu yana da shekaru 75 a duniya.
Marigayi Rano, wanda ya yi ritaya a shekarar 2013, ya rasu ne a ranar Alhamis da misalin karfe 11:20 na safe a asibiti sakamakon rashin lafiya, kamar yadda babban dansa Umar Wada Umar Rano ya tabbatar wa SolaceBase.
Umar ya ce za a yi sallar jana’izar mahaifinsa da misalin karfe 3:00 na rana a yau a gidansa na Sharada, kusa da hedikwatar hukumar Hisba.
Ya rasu ya bar mata biyu, ‘ya’ya da dama, da jikoki.
