Daga Halima Lukman
A ranar Juma’a ne wasu dalibai suka tube wa wani babban malami a jami’ar tarayya ta Lokoja a jihar Kogi kaya, sakamakon zargin yin lalata da wata daliba, inji rahoton jaridar The Nation.
Malamin, wanda har yanzu ba a san cikakken sunansa ba, ya fusata daliban da suka kammala karatun digiri a Sashen Turanci na Cibiyar, inda yake koyarwa, bayan samun labarin rashin da’ar sa.
Sun dage a kan wulakanci da ya yi a bainar jama’a.
malamin ya ci gaba da jin kunya sakamakon yadda jami’an tsaro na makarantar suka yi a babban harabar Adankolo.
Da aka tuntubi mai magana da yawun jami’ar, Mista Daniel Iyke, ya tabbatar da cewa hukumar na sane da lamarin kuma sun fara gudanar da bincike.
Iyke ya ce: “Abin da ke faruwa shi ne jami’ar na da nata tsarin kula da ita. “An kai rahoton ga mataimakin shugaban jami’ar, kuma ya kafa wata hukuma da zata binciki shi.
An yi hakan ne take kuma za a sanar da rahoton ko sakamakon da zarar ya fito.
Kokarin jin ta bakin wadda ake zargin ko mahaifinta, wanda rahotanni suka ce dan sanda ne, bai yi nasara ba saboda an kare su daga yin mu’amala da manema labarai.
