Mahara sun harbe mutune takwas har lahira a kusa da ƙofar shiga barikin sojoji dake Takum a jihar Taraba.
Mazauna garin Takum sun shaidawa wakilin Aminiya cewa an yi kisan ne da yammacin Talata.
Wani shaida da ya nemi a ɓoye sunansa ya ce waɗanda aka harbe na kan hanyarsu ne ta dawowa daga coci a wani ƙauye da ke kusa da barkin sojin.
Ya ce an harbe su ne daf da ƙofar shiga barikin.
Sai dai, kakakin rundunar ƴan sanda a jihar Taraba, SP Usman Abdullahi da mataimakin daraktan yaɗa labarai na rundunar soji Lt. Oni sun ce ba su samu labarin afkuwar lamarin ba.
