An kubutar da wani mazaunin babban birnin tarayya (FCT), Suleiman Sabo, wanda aka yi garkuwa da shi a kan titin filin jirgin sama a babban birnin tarayya Abuja ranar Juma’a.
Sabo na kan hanyar zuwa gida ne tare da matarsa, sai ‘yan bindiga suka tare motarsa.
Wanda abin ya shafa yana tuki a cikin motar sa mai suna Lexus Jeep mai lamba ABC 769 TP a lokacin da lamarin ya faru.
An tattaro cewa ya bar tsakiyar birnin ne kuma yana kan hanyarsa ta zuwa gida, sai maharan da ke cikin wata mota kirar Golf da ba ta da alama suka bude wuta tare da fasa tayoyin motar jeep.
Amma a ranar Lahadi, kwamishinan ‘yan sandan babban birnin tarayya, CP Haruna Garba, ya bayyana cewa an ceto Sabo.
Da yake jawabi ga manema labarai a hedikwatar ‘yan sanda da ke Abuja, ya ce jami’an ‘yan sanda da ke ofishin ‘yan sanda reshen Iddo ne suka ceto wanda abin ya shafa.
Garba ya ce an kama wani Muhammed Abel dan asalin jihar Kogi a yayin aikin ceto, inda ya ce an kwato bindigu guda daya da harsashi goma.
A cewarsa, wanda aka ceto ya samu wasu raunuka daga masu garkuwar, a halin yanzu yana samun kulawar likitoci kuma za a sake haduwa da iyalansa nan bada jimawa ba.
Kwamishinan ‘yan sandan, yayin da yake nanata kudurin rundunar na kawar da masu aikata laifuka a FCT, ya bukaci mazauna garin da su kai rahoton duk wani abu da basu yarda dashi ba ta hanyar layukan gaggawa na rundunar 08032003913, 08061581938, 07057337653, da 08028940883; PCB: 09022222352.
