Kwamishinan ’Yan Sandan Jihar Kano, CP Ibrahim Bakori, ya ziyarci Sarkin Dawaki Babba, Alhaji Aminu Babba Dan Agundi, a gidansa, a daidai lokacin da rikicin masarautar jihar ke ci gaba da faruwa.
SolaceBase ta ruwaito cewa ziyarar ta zo ne kwana guda bayan CP Bakori ya gana da Sarkin Kano na 15, Alhaji Aminu Ado Bayero, a fadar Nasarawa.
Ziyarar kwamishinan ’yan sandan ga Dan Agundi ta kuma biyo bayan ganawar da Dan Agundi ya yi da Gwamnan Jihar Kano, Abba Kabir Yusuf, yayin da ake ci gaba da kokarin tabbatar da zaman lafiya da kwanciyar hankali a jihar.
Read also: JAMB ta sanar da ranar da za a fara rijistar UTME ta 2022
A yayin ganawarsa da Sarki Bayero a ranar Laraba, CP Bakori ya tattauna batutuwan da suka shafi zaman lafiya da tsaro a Kano, musamman bukatar tabbatar da doka da oda a yayin da ake ci gaba da takaddamar masarautar.
Jerin ganawar da suka hada da kwamishinan ’yan sanda, Gwamna Yusuf, Sarki Bayero da Dan Agundi sun zo ne a daidai lokacin da hukumomi ke ci gaba da kokarin hana rikicin masarautar ya rikide zuwa wani yanayi da ka iya yin barazana ga zaman lafiya da tsaron jihar.
Read also: Buhari ya kaddamar da jirgin ruwa na Yaki wanda aka kera a Nigeria
Ganawar ta kuma nuna yadda ake ci gaba da tuntubar manyan masu ruwa da tsaki, yayin da jami’an tsaro ke kokarin tabbatar da kwanciyar hankali da kuma kare rayuka da dukiyoyin al’umma a fadin Kano.
