Dalilin da ya sa na yi rashin nasara a takarar Sanata a 2019 – Shehu Sani

Tsohon dan majalisar dattijai daga jihar Kaduna, Sanata Shehu Sani, ya ce ya sha kaye a zaben sa na sake tsayawa takarar Sanata a 2019 saboda ya ki amincewa da yunkurin tsohon Gwamna Nasir El-Rufai na karbar rancen dala miliyan 340 daga kasashen waje.

Sani, wanda ya wakilci mazabar Kaduna ta tsakiya a majalisar dattawa ta takwas, ya bayyana haka a wata hira da kamfanin dillancin labarai na Najeriya (NAN) a Abuja ranar Lahadi.

“Wannan fadan siyasa da El-Rufai ya shafi wasu ‘yan siyasa da dama, wanda ya sa muka fice daga jam’iyyar gaba daya.

A cewarsa, sakamakon hakan ya yi fice kuma yakan haifar da fitowar ‘yan majalisa da yawa a kowace shekara.

Karanta: Shehu Sani ya yi martani ga jami’an tsaro na Anambra kan barazanar kama matan da aka gani ba tare da rigar Mama da wando ba

Sani, ya ce yawan sabbin ‘yan majalisar dokoki na kasa da na jihohi a duk shekarar zabe ba shi ne mafi alheri ga dimokradiyyar Najeriya ba.

Ya ce a kasashen da suka ci gaba, irin su Indiya da Amurka, wasu ‘yan majalisar za su kasance a majalisa na tsawon shekaru 30, 40 zuwa 50.

Tsohon Sanatan ya kuma ce, ba tare da la’akari da cancantar dan majalisar ba, zai iya zama shugaban majalisar dattawa ko kuma kakakin majalisar idan ya kasance wanda ya fi so a bangaren zartarwa.

(NAN)