Babban Bankin Najeriya CBN ya fara sayar da dala ga BDC, hakan na kunshe ne a cikin wata sanarwa a ranar Talata, ta hannun Dakta Hassan Mahmud, daraktan sashen ciniki da musanya na CBN.
A cewar babban bankin dala 20,000 za ta kasance ga kowane ma’aikacin ofishin BDC da ya cancanci a duk faɗin ƙasar.
Za’a sayar da wannan jimlar ga kowane BDC akan kudi Naira 1,301 ko dala wanda ke wakiltar ƙaramin adadin kuɗin da aka aiwatar a kasuwar canjin kuɗi na NAFEM kamar ranar ciniki da ta gabata.
Karin labari: Yajin aikin likitoci a Koriya ta kudu ya janyo mutuwar dattijuwa
Ya ce duk BDCs an yarda su sayarwa masu amfani da shi a wani tata da bai wuce kashi ɗaya cikin ɗari ba sama da adadin sayan da aka yi daga CBN.
Sanarwar ta ci gaba da cewa, “Bayan sauye-sauyen da ake yi a kasuwar canji da nufin cimma daidaiton kasuwar canjin Naira, babban bankin Najeriya CBN ya lura da yadda ake ci gaba da tabarbarewar farashi a kasuwar canji.
“Saboda haka, CBN ya amince da sayar da kudaden kasashen waje ga BDCs masu cancanta don biyan bukatar hada-hadar da ba’a ganuwa. Za’a sayar da dala 20,000 ga kowane BDC akan kudi Naira 1,301/$- wakiltan ƙananan adadin kuɗin da aka kashe a NAFEM na ranar ciniki da ta gabata, kamar yau, 27 ga watan Fabrairun 2024″ in ji sanarwar.
Karin labari: ‘Ƴan ƙwadago sun kutsa cikin majalisar dokokin Najeriya
Sanarwar ta kara da cewa, “Dukkan BDCs an yarda su sayar wa masu amfani da shi a wani rata na kashi ɗaya cikin ɗari sama da adadin sayan daga CBN.
“An umurci dukkan BDC da suka cancanta su biya Naira ga asusun ajiyar kudin waje na CBN da aka kebe sannan su gabatar da tabbacin biyansu, tare da wasu takardun da suka dace don rabawa a rassan CBN da ABUJA da AWKA da LEGAS da kuma KANO.
