Rundunar ‘yan sanda ta ce ta kama wasu mutane uku da ake zargi da laifin fasa gidaje da fashin zinare da sauran kayayyaki masu daraja a Abuja.
Jami’in hulda da jama’a na rundunar, ACP Olumuyiwa Adejobi, ne ya bayyana hakan yayin wani taron manema labarai a Abuja.
Ya kara da cewa an kama wadanda ake zargin ne biyo bayan wani bincike da jami’an ‘yan sandan farin kaya na Intelligence Response Team (IRT) suka gudanar.
Adejobi ya ce binciken da aka yi ya nuna cewa babban wanda ake zargi da aikata laifin dan kasuwar kifi ne a kasuwar kifi ta Kado da ke Abuja.
Karin labari: “Ambaliyar ruwa ya shafi wasu kananan hukumomi 3 a Kano” – SEMA
Ya ce wadanda ake zargin sun kai sumame gidaje uku a unguwar Lugbe da ke Abuja kafin su isa gida na hudu inda suka tsallake shingen suka yi amfani da jakin mota wajen fadada sandunan barayin.
Adejobi ya ce wadanda ake zargin sun fadada sandunan barayin kuma sun shiga gidan inda suke neman kayan da za su iya sata.
Ya ce ana cikin haka ne suka samu wani ma’aji a gidan, suka tafi da ita suka yi amfani da guduma da chisel suka fasa gidan da karfin tsiya suka samu kudi da takardu da zinare.
“Bayan an gano shi, babban wanda ake zargin ya tuntubi wani mai siya domin ya jefar da kayayyakin inda ya gano sama da Naira miliyan 60 bayan ya sayar da kayayyakin,” inji shi kamar yadda NAN ta rawaito.
