Shugaban kasa Muhammadu Buhari ya yabawa mataimakin shugaban kasa Farfesa Yemi Osinbajo bisa biyayyarsa da jajircewar sa wajen gudanar da ayyuka, musamman wajen kula da tattalin arzikin kasa.
Wannan, a cewarsa, ya shafi mu’amala akai-akai tare da samar da shugabanci mai kyau ga hukumomin gwamnati da masu zaman kansu, da sauran tsare-tsaren gwamnatin tarayya.
Shugaban ya bayyana ra’ayinsa ne a cikin sakon taya murna da mai magana da yawunsa, Mista Femi Adesina, ya fitar a ranar Talata a Abuja, kan bikin cika shekaru 65 na Osinbajo a ranar Talata.
Buhari ya kuma lura da irin gudunmawar da mataimakin shugaban kasa ya bayar wajen ci gaban kasa a matsayin lauya, malami, shugaba da Fasto.
Ya kuma yaba masa bisa yadda yake sadaukar da kai wajen kusantar gwamnati da jama’a, tare da sanya jama’a a cibiyar gudanar da mulki ta hanyar bayar da shawarwarin da ke taimaka wa ci gaban bil’adama a kai a kai.
Buhari ya yabawa Osinbajo jajircewa da tawali’u da basira, inda ya yi addu’ar Allah Madaukakin Sarki ya ci gaba da ba shi karfi da hikima da lafiya ta yadda zai yi wa kasa da bil’adama hidima.
