Hukumomin Hadaddiyar Daular Larabawa sun ce za a dage dokar takaita zirga-zirgar jiragen sama daga Najeriya da wasu kasashen Afirka 11 a ranar Asabar.
Hukumar Ba da Agajin Gaggawa ta Hadaddiyar Daular Larabawa da Hukumar Kula da Bala’i (NCEMA) ta ce tana dage haramcin da aka sanya a wani bangare na matakan hana yaduwar Omicron na COVID-19.
A cewar hukumomi, sauran kasashen sun hada da Namibia, Jamhuriyar Congo, Eswatini, Habasha, Kenya, Lesotho, Mozambique, da Botswana.
Sauran sune Najeriya da Afirka ta Kudu da Tanzaniya da kuma Zimbabwe, kamar yadda hukumomin suka fitar a shafin Twitter a ranar Laraba.
Idan dai za a iya tunawa, a watan Disambar da ya gabata ne UAE ta fitar da dokar hana zirga-zirgar fasinjoji daga Najeriya, Kenya, Tanzania da Habasha.
NCEMA da Hukumar Kula da Sufurin Jiragen Sama (GCAA) sun ce umarnin, wanda ya fara aiki a ranar 25 ga Disamba, ya kasance saboda damuwa da ke da alaƙa da yaduwar omicron COVID-19 bambance-bambancen.
