Tinubu Ya Yi Sauye-Sauyen Ma’aikatu Ga Sabbin Ministocinsa

Tinubu, gwamnati, tarayya, 'yan sanda, jihohi
Gwamnatin tarayya dana jihohin Najeriya 36 na nazari akan bukatar kafa rundunonin ‘yan sandan jihohi. Hakan ya biyo bayan wani taron gaggawa daya gudana yau...

Shugaban Kasa Bola Ahmed Tinubu, ya aiwatar da wasu sauye-sauye a majalisar ministocinsa da ya rabawa ma’aikatu a makon jiya.

Hakan na kunshe ne cikin wata sanarwa da mai bai wa Shugaban Kasar Shawara ta Musamman kan Harkokin Yada Labarai, Ajuri Ngelale ya fitar a Yammacin wannan Lahadin.

A sauye-sauyen, Tinubu ya dauke Injiniya Abubakar Momoh daga Ma’aikatar Matasa zuwa Ma’aikatar Harkokin Neja Delta.

Ajuri Ngelale ya ce nan gaba kadan za a sanar da ministan da zai a dankawa akalar jagorancin Ma’aikatar Matasan.

Sanarwar ta ce Tinubu ya ba da umarnin aiwatar da sauye-sauye a ma’aikatun Sufuri, Harkokin Cikin Gida da kuma Tattalin Arziki na Ruwa.

Ministocin da lamarin ya shafa sun hada da Adegboyega Oyetola wanda a yanzu aka mayar da shi Ministan Tattalin Arziki na Ruwa

Haka kuma, an mayar da Bunmi Tunji-Ojo zuwa Ma’aikatar Harkokin Cikin Gida yayin da Sa’idu Alkali ya koma Ma’aikatar Sufuri.

Kazalika, sanarwar ta ce Kananan Ministocin man fetur da iskar gas za su kasance a karkashin ma’aikata daya, wato Ma’aikatar Albarkatun Man Fetur.

Ministocin su ne; Heineken Lokpobiri a matsayin Karamin Ministan Man Fetur. Sai kuma Ekperipe Ekpo a matsayin Karamin Ministan Gas.

Haka kuma, Shugaba Tinubu ya amince da sauya sunan Ma’aikatar Kula da Muhalli da Rayuwar Halittu a matsayin Ma’aikatar Muhalli.

AYI TSOKACI

Please enter your comment!
Please enter your name here