Farashin buhu (kg 50) shinkafar gida yana tashi duk shekara, daga 152.9 zuwa N95,738 a watan Satumbar 2024 daga N37,853 a watan Satumban 2023.
Bayanai daga Hukumar Kididdiga ta Kasa, NBS Farashin Abinci’ na watan Satumbar 2024 ya nuna cewa farashin shinkafar gida mai nauyin kilo 1 (Kg) ya tsaya kan N1,914.77 a lokacin.
Rahoton ya kuma nuna cewa farashin wake ya sami karuwar girma fiye da kashi 200 cikin dari.
Rahoton NBS ya bayyana cewa “Matsakaicin farashin shinkafar gida mai nauyin kilo 1 da ake sayar da shi ya tashi da kashi 152.92 a duk shekara daga N757.06 a watan Satumbar 2023 zuwa N1,914.77 a watan Satumban 2024, yayin da aka samu karin 4.57 bisa dari a kowani wata.
“Haka zalika, matsakaicin farashin naman kashi kilo 1 ya karu da kashi 99.99 a duk shekara daga N2,816.91 a watan Satumban 2023 zuwa N5,633.60 a watan Satumban 2024.
“A kowane wata, ya karu da kashi 1.44 daga N5,553.80 a watan Agustan 2024. Matsakaicin farashin kilo 1 na wake launin ruwan kasa (wanda ake siyar dashi) ya kai N2,738.59. Wannan ya nuna tashin farashin kashi 281.97% a duk shekara daga N716.97 da aka samu a watan Satumbar 2023 da kuma tashin kashin nama 6.37 a duk wata daga N2,574.63 a watan Agustan 2024.
“Matsakaicin girman kwai (guda 12) ya sami hauhawar farashin a kowace shekara da N137.43 bisa dari daga N1,047.47 a watan Satumbar bara (2023) zuwa N2,487.04 a watan Satumbar 2024.
“A kowane wata, matsakaicin farashin wannan kayan ya tashi da farashin 8.64 daga N 2,289.19 a watan Agustan 2024. Haka kuma an samu karin farashin biredi da kashi 115.74 a duk shekara. daga N708.36 a watan Satumba 2023 zuwa N1,528.19 a watan Satumba 2024.
“A kowane wata, ya karu da kashi 4.68 daga N1,459.85 a watan Agustan 2024. Binciken da jihar ta gudanar a watan Satumbar 2024 ya nuna cewa an samu mafi girman farashin 1kg na Bean Brown a Bauchi akan N3. ,450.04 yayin da mafi karanci ya kasance a jihar Adamawa akan N1,800.”
Da take bayyana farashin a fadin jihohin, NBS ta kara da cewa “An samu matsakaicin farashin kwai masu matsakaicin girma (guda 12) a jihar Neja a kan N3,000.84 yayin da mafi karanci ya kasance a jihar Borno kan N2,075.58.
“Game da matsakaicin farashin biredi (yankakke), jihar Ribas ce ta fi kowacce tsada a N1,852.5, yayin da Yobe ta samu mafi karancin farashi a kan N982.79.
“Kogi ya samu matsakaicin farashin shinkafar gida mai nauyin kilo 1 akan N2,688.04, yayin da aka ruwaito mafi karanci a Benue akan N1,229.14.”
