Jihar Kano za ta gudanar da bukukuwan Sallah mai cike da cece-kuce, yayin da Sarki Aminu Ado Bayero da Sarki Muhammadu Sanusi II suka bayyana shirin gudanar da Hawan Sallah, wani muhimmin taron gargajiya da ake yi a karshen watan Ramadan.
Jaridar SolaceBase ta ruwaito cewa wannan ci gaban ya zo ne a daidai lokacin da ake fama da rikicin Masarautar Kano, inda aka raba jihar tsakanin sarakunan biyu.
Sarki Aminu Ado Bayero, Sarkin Kano na 15, ya sanar da hukumomin tsaro da suka hada da jami’an tsaro da na Civil Defence, jami’an tsaro na farin kaya, da rundunar ‘yan sandan Kano shirin bikin Hawan Sallah, Hawan Daushe, da Hawan Nassarawa.
A cikin wasika mai kwanan wata 1 ga Maris, 2025, da aka aike wa wadannan jami’an tsaro, Sakataren Sarki Aminu Ado Bayero, Abdullahi Haruna Kwaru, ya bayyana yadda aka shirya gudanar da bukukuwan Sallah na gargajiya a ranakun 1, 2, da 3 ga watan Shawwal 1446, tare da karin al’adu a rana ta hudu.
Sanarwan, wanda aka buga tambari da karɓa daga hukumomin tsaro, sun tabbatar da shirye-shiryen ganin an gudanar da bukukuwan cikin lumana da kwanciyar hankali.
Labari mai alaƙa: Ku fara shirye-shiryen hawan bikin sallah – Gwamnan Kano ga sarakuna
A halin da ake ciki kuma, Sarki Muhammadu Sanusi II wanda gwamnatin jihar Kano karkashin Gwamna Abba Kabir Yusuf ta mayar da shi, ya kuma bayyana shirinsa na jagorantar Hawan Sallah.
A wata wasika mai dauke da kwanan watan 21 ga Maris, 2025, ga hakimai da masu rike da sarautar gargajiya, Dan Makwayon Kano, Alhaji Abba Yusuf, ya mika umarnin Sarki Sanusi na su shirya Hawan Sallah tare da tawagarsu.
Bugu da kari, gwamna Yusuf ya umurci masarautar Kano karkashin jagorancin Sanusi da ta shirya taron, kamar yadda aka bayyana a cikin wata sanarwa da aka fitar a ranar 18 ga Maris, 2025, mai dauke da sa hannun mai magana da yawun gwamna Sanusi Bature Dawakin Tofa.
Sanarwar ta kara da cewa gwamnan ya bayar da umarnin ne a lokacin buda baki (na azumin watan Ramadan) tare da sarakuna a gidan gwamnati.
A bangaren Sarki Aminu Ado Bayero, bukukuwan Sallah na bana na da matukar muhimmanci, domin bikin cika shekaru biyar da hawansa karagar mulki.
Sai dai kuma da sarakunan biyu suka yi ikrarin bikin, Kano ta shirya tsaf domin yin taho-mu-gama a fannin tarihi, domin zagayowar bikin gargajiya na iya ganin tarukan fafatawa a karkashin sansanonin sarakuna daban-daban
