A ranar Lahadin da ta gabata ce jami’an tsaro da ake kyautata zaton jami’an tsaron farin kaya ne na hukumar DSS suka kama wata ‘yar siyasa mace kuma ‘yar jam’iyyar APC a jihar Kaduna mai suna Aisha Galadima.
An ce kamen na da nasaba da wani sako da aka wallafa a kafafen sada zumunta na yanar gizo game da gwamnan jihar, Uba Sani.
Karin labari: Tashar Wutar Lantarkin Kasar Nan Ta Sake Lalacewa
A cewar majiyoyi, Galadima ta soki kalaman Sani na karshe akan tsohon gwamnan jihar, Nasir El-Rufai a wani sako da ya wallafa a shafinta na Facebook.
Wata makwabciyarta ta ce an kama ta ne a unguwarsu da ke unguwar Tudun Wada a Kaduna a ranar Lahadi da yamma, kuma wani abokinsa ya bayyana cewa wayar Galadima a kashe bayan kama ta.
Karin labari: Rashin Tsaro: Wasu matafiya sun koka kan satar mutane a manyan hanyoyi
Sai dai babban sakataren yada labarai na gwamnan, Muhammad Lawal Shehu, ya ce bai da masaniya game da kama ta, kuma ya mikawa hukumar tsaro ta farin kaya DSS dangane da yin karin haske kan lamarin.
“Ban san cewa an kama wata mata da ta bayyana munanan kalamai akan Mai Martaba ba. Ko yaya dai ku tura bayananku ga hukumar DSS ba gwamnatin jihar Kaduna ba,” inji shi.
