Tsohon babban hafsan tsaron kasa, Admiral Ibrahim Ogohi ya rasu. Ogohi ya rasu ne sakamakon gajeriyar rashin lafiya.
A cewar majiyoyi, ya shafe makonni da dama yana fama da rashin lafiya da suka shafi shekaru kafin ya rasu a gidansa da ke Abuja da sanyin safiyar Lahadi.
“Admiral Ibrahim Ogohi ya rasu ne a ‘yan mintoci da suka gabata, da safiyar Lahadi,” yayin da wani dan uwa ya tabbatar da labarin rasuwar.
Karin labari: Gwamnatin jihar Kano tayi mana rinton aiki – APC
Marigayi Admiral ya kasance babban hafsan tsaro tsakanin 1999 zuwa 2003.
Shi ne babban hafsan sojan ruwa na farko da ya kai matsayin tauraro hudu a rundunar sojin Najeriya, ciki har da kasancewarsa babban hafsan hafsoshin sojan ruwa na farko.
Marigayi babban hafsan tsaron ya fito ne daga Okura, Lafia a karamar hukumar Dekina a jihar Kogi.