Shugaban Amurka Donald Trump ya kori babban sufeto-janar na hukumar raya kasashe masu zaman kansu a Amurka USAID, kamar yadda kafafen yada labaran Amurka suka ruwaito a ranar Laraba.
Korar Paul Martin ta zo ne kwana guda bayan da ofishinsa ya fitar da wani rahoto da ke sukar yunkurin gwamnatin Trump na wargaza hukumar kamar yadda Washington Post da CNN da sauransu suka ruwaito.
Sun buga wani imel mai jimla biyu daga Fadar White House da aka aika ranar Talata ga Martin yana gaya masa cewa “an dakatar matsayinsa nan take,” amma ba tare da bayyana dalilan yanke shawarar ba.
Karin labari: Ƙasashen Amurka da Burtaniya sun ziyarci Najeriya don samun ingantacciyar kiwon lafiya – Pate
Rahoton na ofishinsa ya yi gargadin cewa sama da dala miliyan 489 na tallafin abinci na cikin hadarin lalacewa ko kuma yiwuwar karkatar da su bayan gwamnatin Trump ta aiwatar da dokar dakatar da aikin hukumar a kasar.
Rahoton ya ce ya dade “da gano manyan kalubale tare da ba da shawarwari don inganta shirye-shiryen hukumar don hana zamba, almubazzaranci, da cin zarafi.”
Trump ya riga ya kori sufeto-janar guda 18, wadanda ke sa ido kan gwamnatin kasar amma Martin – wanda magajin Trump ya nada Joe Biden – ya ci gaba da kasancewa a wurin.
