Mai martaba Sarkin Ningi, Dr. Yunusa Muhammadu Dan – Yaya ya rasu kwanaki biyu bayan dawowar sa daga hutun jinya a kasar Saudiyya.
Marigayi Dan-yaya wanda ya shafe shekaru 46 akan karagar karagar mulkin Ningi, ya rasu yana da shekaru 88 a duniya a Asibitin Expert Alliance dake Kano, kwanaki biyu kacal bayan ya dawo daga ziyarar jinya daga Makka a ranar Alhamis, 22 ga watan Agusta, 2024.
Sakataren fadar sarmin Alhaji Usman Sule Magayakin Ningi, a wata sanarwa da ya fitar jim kadan bayan rasuwarsa, ya bayyana cewa za a gudanar da sallar jana’izar da karfe 4:00 na yamma a fadar mai martaba Sarkin Ningi.
An haife shi a shekara ta 1936, Sarkin bayan kwashe shekaru yana hidimtawa kafin ya hau karagar mulki a shekarar 1978.
Marigayin Da farko ya halarci makarantar firamare ta Ningi, a tsakanin shekarar 1941 zuwa 1946, sannan ya yi makarantar sakandare ta Bauchi daga 1946 zuwa 1951 kafin ya wuce makarantar kula da tsaftar muhalli ta Kano, a wannan shekarar.
Daga nan ya samu gurbin karatu a Jami’ar Ahmadu Bello Zariya, ya kuma sami shaidar difloma a fannin harkokin gwamnati.
Ya na kwarewa a fitaccen tarihin aiki a lokacin Hukumar Mulki (NA), duk da cewa ya fara ne a matsayin mai rarrabawa a cibiyar kulada bada kariya ta Nasaru Dispensary, Ningi.
Ya kasance Jami’i na Majalisar Masarautar Ningi daga 1956 zuwa 1960, mai ba da shawara ga Ma’aikatar Lafiya da Lafiya daga 1958 zuwa 1959 kuma memba na Majalisar Ningi tsakanin 1954 zuwa 1956.
Ningi tana cikin masarautu shida a jihar Bauchi. Sauran sun hada da Bauchi, Katagum, Misau, Jama’are, da Dass.
A halin da ake ciki Gwamna Bala Mohammed na jihar Bauchi ya jajantawa al’ummar jihar bisa rasuwar Sarkin.
Gwamnan a cikin sakon ta’aziyyar ta hannun mai taimaka masa kan harkokin yada labarai, Mukhtar Gidado, ya bayyana marigayin a matsayin mutum mai zaman lafiya, mai hikima, kuma mai sadaukar da kai ga rayuwar al’ummarsa.
Ya ce, mutuwar ta bar wa al’ummar Masarautar Ningi da Jihar Bauchi da ma Nijeriya gaba Babban gibi da ba za a iya maye gurbinsu ba.
Mohammed ya ce Sarkin ya nuna kyawawan dabi’u na shugabanci, da samar da hadin kai, ci gaba a duk fadin mulkinsa.
“Muna bakin ciki tare da alhini na wannan babban rashi, muna kuma addu’ar Allah Madaukakin Sarki yasa yana cikin Jannatul Firdaus.
